Bli kjent

Fem kommunar skal bli ein; Haram, Sandøy, Skodje, Ørskog og Ålesund.

Om Ørskog kommune

Ørskog har alltid vore eit knutepunkt og "der vegar møtest" er ofte brukt som slagord på grunnar vår sentrale plassering. Velkommen til eit levande samfunn med eit mangfald av moglegheiter og opplevingar!

Oppdag Ørskog!

Ørskog er full av kontrastar. Her kan du bestige den nye kommunen sitt høgaste fjell, stupe i den djupe fjorden, gå bak ein eventyrleg foss, eller skli av gårde på langrennski over opne vidder. Naturen her kan ta pusten frå deg eller senke pulsen med sitt vakre opne fjordlandskap.

Set passarspissen på Sjøholt; kommunesenteret, og sjå alle mulegheitene du har, både der du står og til alle stadane som vegane fører deg.
Her møter du eit levande samfunn med eit mangfald av opplevingar å velja mellom. Anten om det er natur, kultur eller sport som ligg ditt hjarta nærast, så har vi mykje å tilby. Nyt lokale råvarer på spiseriet her, eller kjøp dei på lokalmatbutikken, gå på skattejakt på bruktbutikken, eller vandre langs den vakre Elvastien og sjå kunsten til Jørund Smed.

Ørskog har alltid vore eit knutepunkt i området: Vegen mellom Ålesund og Molde/Åndalsnes møter vegen innover i Storfjorden, sjøtrafikk har møtt landtrafikk, handelsvarer frå innlandet har blitt bytt med handelsvarer frå kysten, det har vore senter for post, telegraf, turisme, militærstell, trelasthandel, lensmann, kyrkje, utdanning og legetenester: Ørskog si historie inneheld mykje som er heile regionen si historie.

Vi ligg særs sentralt til og har kort veg til andre kommunar, tettstader og byar, både på Sunnmøre og i Romsdal. Ein god del innbyggjarar vel å bu i Ørskog og arbeide i kringliggande kommunar.

Ørskog er ein kommune med stor dugnadsånd, allsidig kulturliv, variert fritidstilbod og vakker natur. Vi har mykje vi er stolt over! Lag og foreiningar er sjølve ryggrada i det lokale kulturlivet. Ørskog har fleire titals frivillege lag, foreiningar og organisasjonar innafor idrett, musikk og kunst - og mykje anna. Her er det rom både for å få vener og dyrka dei interessene ein måtte ha.

Heile året byr Ørskog på rekreasjon og opplevingar i ein rik, variert natur. Her får du både og; sjø og fjøresteinar og fjell og vidder - både dei lett tilgjengelege sætrene og toppane som alle kan nå, til dei meir krevjande rutene. Ikkje berre finn du fantastiske turområde med merka løyper, det er og nok av urøyrt terreng for deg som likar å gå dine eigne vegar. Ørskog er fullpakka med utandørsopplevingar - alt innan ein avstand på 15 minutt. Vi er så heldige å ha eit av verdas mest forbløffande landskap rett utanfor bakdøra.

Kom og oppdag det sjølv!

Fakta om Ørskog

Størrelse: 132,2 km2
Innbyggarar per 1.1.2017: 2310
Tilsette i Ørskog kommune: 243 personar

Skule og omsorg

  • Det er 295 elevar i Ørskog. Hausten 2018 kunne vi ønske elevane velkomen til heilt nye Ørskog skule!
  • Vi har 2 barnehagar, ein kommunal og ein privat, med henholdsvis 57 og 70 born.
  • Per 31.12.2016 hadde Heimetenestene 68 brukarar med forskjellig hjelpebehov. 22 av desse bur i omsorgsbolig.
  • Ørskog sjukeheim har per dags dato 17 rom. 10 plassar på skjerma eining for personar med demens og 7 plassar tiltenkt korttid/rehabilitering.
  • Vi har eige hovedkjøkken og vaskeri som tek seg av vask av privattøy til pasientane.
  • I bu- og habiliteringstenesta vil det frå 15.mai vere 16 brukarar.
  • 5 brukere får tenester i privat eigd bustad, dei andre leiger omsorgsbustad. Vi har arbeidsstue for dei eldre brukarane, medan dei yngre har tilbod på Vekst Ørskog.

Søjholt, Verahornet og Liafjellet. Foto: Erlend Haddal

Søjholt, Verahornet og Liafjellet. Foto: Erlend Haddal

Kyrkja sett frå fjorden

Kyrkja sett frå fjorden

Naustrekka på Sjøholt

Naustrekka på Sjøholt

Frå Svartløkfjellet. Foto: Erlend Haddal

Frå Svartløkfjellet. Foto: Erlend Haddal

Skispor

Skispor

Topptur på ski

Topptur på ski

Om nettsida

På denne nettsida kan du følge med på bygginga av nye Ålesund kommune.

Org.nr. 920 415 288 

Kontakt

Postboks 1521, 6025 Ålesund
Denne e-postadressen er beskyttet mot programmer som samler e-postadresser. Du må aktivere javaskript for å kunne se den.